Uyu munsi, Urwego Rwashyiriweho Inkiko Mpanabyaha Mpuzamahanga (MICT) rwatangije gahunda yo kuri Interinete imurika Ikusanyirizo ry'ibimenyetso bya Porokireri, ububiko bwihariye bw'ibimenyetso byakusanyijwe n'Ibiro bya Porokireri mu maperereza ku byaha byakozwe mu cyahoze ari Yugosilaviya no mu Rwanda.

Urwego Rwashyiriweho Inkiko Mpanabyaha Mpuzamahanga (MICT) ejo rwizihije Umunsi wahariwe Umuryango w’Abibumbye ku Ishami ryarwo riri Arusha aho ryahaye ikaze ku biro byaryo abanyeshuri bo mu mashuri mpuzamahanga yose ari mu mugi w’Arusha no mu nkengero zawo, hagamijwe kubakangurira ibikorwa byarwo n’inshingano z’Umuryango w’Abibumbye.

Ku wa Gatandatu, tariki ya 25 Ugushyingo 2017, Urwego Rwashyiriweho Inkiko Mpanabyaha Mpuzamahanga (MICT) n’indi miryango mpuzamahanga cyangwa iy’uturere ikorera Arusha, ari yo Urukiko Nyafurika rw’Uburenganzira bwa Muntu (ACHPR), Ikigo Nyafurika cy’Amategeko Mpuzamahanga, Ibiro by’Umuryango w’Afurika Yunze Ubumwe bishinzwe ubujyanama ku bijyanye na ruswa, Umuryango w’Afurika y’Iburasirazuba (EAC) n’inzego ziwugize, Umuryango Ushinzwe ubuzima w’Afurika y’uburasirazuba, iyo hagati n’iy’amajyeppfo (ECSA), Ikigo cy’Afurika y’Iburasirazuba n’iy’Amajyefo kigisha iby’imicungire y’abakozi n’umutun

Uyu munsi, Urwego Rwashyiriweho Inkiko Mpanabyaha Mpuzamahanga (MICT) rwasohoye videwo ngufi ntangamakuru yiswe “Muri MICT”. Iyo videwo ivuga muri make ku ishyirwaho rya MICT, manda n’imirimo byayo.

Mu rwego rwo kwizihiza Umunsi mpuzamahanga w'umurage w'ibimenyetso bigizwe n'amajwi n'amashusho, uyu munsi Urwego Rwashyiriweho Inkiko Mpanabyaha Mpuzamahanga (MICT) rwashyize ahagaragara videwo yitwa “Gusigasira amateka uko agenda abaho: Umusogongero ku nyandiko zishyinguwe zigizwe n'amajwi n'amashusho z'Inkiko Mpanabyaha Mpuzamahanga” mu ndimi z’igifaransa, ikibosiniya/igikorowate/igiseribe n'ikinyarwanda.

Uyu munsi, Urwego Rwashyiriweho Inkiko Mpanabyaha Mpuzamahanga (“MICT”) ruratangiza imurika ryo kuri interinete rigaragaza akaga abana bahuye na ko muri jenoside yabaye mu Rwanda mu mwaka wa 1994 no mu ntambara zabereye mu cyahoze ari Yugosilaviya mu myaka ya za 90.

Urwego rw’Inkiko Mpanabyaha Mpuzamahanga (“MICT”) rukeneye abakandida bujuje ibisabwa kugira ngo bashyirwe kuri risite y’abavoka bashobora kugenwa ngo bunganire abakekwaho icyaha cyangwa abaregwa badashobora kwihembera avoka, hashingiwe ku Ngingo ya 43 y’Amategeko Agenga Imiburanishirize n’Itangwa ry’ibimenyetso (“Amategeko”). MICT irifuza, cyane cyane, abakandida biteguye gukora kandi bemerewe gushyirwaho nk’“Abavoka b’agateganyo” kugira ngo bunganire ukekwaho icyaha cyangwa uregwa, hashingiwe ku Ngingo ya 43(C) y’Amategeko (“Risite y’abavoka b’agateganyo”).

Ejo, Urukiko mpanabyaha rwa mbere rw’iremezo rw’Ankara muri Turukiya, rushingiye ku kirego kimwe cyo kuba mu muryango w’iterabwoba witwa FETO, rwahamije icyaha Aydin Sefa Akay, Umucamanza w’Urwego rw’Umuryango w’Abibumbye Rwashyiriweho Inkiko Mpanabyaha Mpuzamahanga. Yakatiwe igihano cyo gufungwa imyaka irindwi n’amezi atandatu. MICT iributsa ko icyo cyemezo cy’urukiko mu rw’iremezo gishobora kujuririrwa no gusubirishwamo mu rwego rw’igihugu cyangwa mpuzamahanga kandi ko, kubera ibyo, imikirize y’urwo rubanza atari yo ya nyuma mu rwego rw’amategeko.

Igikorwa cyo kwandika abantu bahagarariye ibitangazamakuru bifuza gukurikirana itangira ry’urubanza rwa Jovica Stanišić na Franko Simatović, riteganyijwe ku itariki ya 13 Kamena 2017, ubu cyarangiye.

Amakuru ya nyuma yerekeranye n’itangazamakuru na risite y’ibitangazamakuru byemerewe gukurikirana uwo muhango biboneka ku rubuga rwa MICT.

Porokireri Serge Brammertz w’Urukiko Mpanabyaha Mpuzamahanga Rwahyiriweho icyahoze ari Yugosilaviya (TPIY) n’uw’Urwego Rwashyiriweho Inkiko Mpanabyaha Mpuzamahanga (MICT), uyu munsi yagejeje ijambo ku Nama y’umuryango w’Abibumbye Ishinzwe Amahoro ku Isi (UNSC).