Uyu munsi, Umucamanza Graciela Gatti Santana, Perezida w'Urwego Mpuzamahanga Rwashyiriweho Gukora Imirimo y'Insigarira y'Inkiko Mpanabyaha (IRMCT), yasoje uruzinduko rw'akazi yagiriraga muri Repubulika y'u Rwanda. Urwo ruzinduko rwabaye mu gihe hibukwa, ku ncuro ya 31, jenoside yakorewe Abatutsi mu Rwanda mu mwaka wa 1994 (Kwibuka ku ncuro ya 31).

Uyu munsi, Urugereko rw’Ubujurire rugizwe n’Abacamanza Graciella Gatti Santana (Uruguay), Perezida, Jean-Claude Antonetti (U Bufaransa), Burton Hall (Bahamas), Aminatta Lois Runeni N’gum (Gambiya), na Seon Ki Park (Koreya y’Epfo) rwasomye urubanza rwerekeranye no gusubiramo imikirize y’Urubanza Porokireri aburana na Gérard Ntakirutimana, N^o MICT-12-17-R.

Bwana Serge Brammertz, Porokireri w’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (IRMCT), yasoje uruzinduko rw’akazi yarimo i Kigali, mu Rwanda, kuva ku itariki ya 4 kugera ku ya 9 Ugushyingo 2024, mu rwego rwo gutegura raporo aha Inama Ishinzwe Amahoro ku Isi y’Umuryango w’Abibumbye kabiri mu mwaka.

Kuri iyi sabukuru y’imyaka 30 ishize Urukiko Mpanabyaha Mpuzamahanga Rwashyiriweho u Rwanda (TPIR) rushyizweho, Abayobozi bakuru b’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (“IRMCT”) ari bo, Perezida Graciela Gatti Santana, Porokireri Serge Brammertz na Gerefiye Abubacarr M. Tambadou, bazirikanye umurage wa TPIR n’uruhare yagize. Bwana Dragan Ivetic, Perezida w’Ishyirahamwe ry’abavoka bunganira abaregwa mu Nkiko Mpuzamahanga (ADC-ICT), yifatanije na bo, agira ati:

Kwandika abantu bifuza gukurikirana iburanisha ryerekeranye no gusubiramo imikirize y’Urubanza Porokireri aburana na Gérard Ntakirutimana, mu Rugereko rw’Ubujurire rw’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (IRMCT) byatangiye. Iryo buranisha rizabera ku Ishami rya IRMCT ry’Arusha kuva ku wa Mbere, tariki ya 18 Ugushyingo 2024, kugera ku wa Gatanu, tariki ya 22 Ugushyingo 2024. Cyakora, iyi ngengabihe ishobora guhinduka igihe byaba bibaye ngombwa.

Ibiro by'Ubushinjacyaha by’Urwego Mpuzamahanga Rwashyiriweho Gukora Imirimo y'Insigarira y'Inkiko Mpanabyaha uyu munsi biratangaza ko byashoboye kumenya amakuru yerekeranye n’abantu bose bahunze ubutabera bari barashiriweho impapuro zo kubafata n'Urukiko Mpuzamahanga Mpanabyaha rw’uRwanda (ICTR) ku byaha byakozwe mu gihe cya Jenoside yakorewe Abatutsi muri 1994. Ibiro by'Ubushinjacyaha byanzuye ko abatorotse ubutabera babiri ba nyuma - Ryandikayo na Charles Sikubwabo - bapfuye.

Ibiro bya Porokireri w’Urwego Mpuzamahanga Rwashyiriweho Gukora Imirimo y'Insigarira y'Inkiko Mpanabyaha uyu munsi byemeje urupfu rwa Aloys Ndimbati, umwe mu bahunze ubutabera ba nyuma bashinjwaga n’Urukiko Mpuzamahanga Mpanabyaha rw’u Rwanda (ICTR) akaba numwe muri ba ruharwa muri Jenoside yakorewe Abatutsi muri 1994.

Uyu munsi, i New York, Umucamanza Graciela Gatti Santana, Perezida w’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (IRMCT), yagejeje ku Nama Ishinzwe Amahoro ku Isi y’Umuryango w’Abibumbye (Inama Ishinzwe Amahoro ku Isi) raporo ya 22 ku bikorwa bya IRMCT.

Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (IRMCT), rubabajwe cyane no gutangaza urupfu rw’Umucamanza warwo Elizabeth Ibanda-Nahamya, ukomoka mu gihugu cy’u Bugande, wapfuye ku itariki ya 5 Mutarama 2023.

Uyu munsi, Umucamanza Graciela Gatti Santana, Perezida w’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (IRMCT), yagejeje ku Nama Ishinzwe Amahoro ku Isi y’Umuryango w’Abibumbye (Inama), i New York, raporo ku bikorwa bya IRMCT ya 21. Ni ubwa mbere Perezida Gatti Santana agejeje ijambo ku Nama, kuva yatangira imirimo ye nka Perezida wa IRMCT, ku itariki ya 1 Nyakanga 2022.